Сургуулийн тухай
Cebu International Academy (CIA) нь 2003 онд байгуулагдсан, Сэбү хотын нэр хүндтэй англи хэлний сургуулиудын нэг бөгөөд олон улсын оюутнуудад чанартай англи хэлний боловсрол олгож ирсэн туршлагатай сургууль юм. Тус сургууль нь 2022 онд Сэбү хотын Мактан арал дээр орчин үеийн цоо шинэ кампусаа ашиглалтад оруулснаар англи хэлийг ресорт маягийн тав тухтай, аюулгүй орчинд суралцах боломжийг бүрдүүлсэн. CIA сургууль нь суралцах, амьдрах, амрах бүх хэрэгцээг нэг дор шийдсэн цогц кампустай бөгөөд оюутны дотуур байр нь 1, 2, 3, 4 ортой, бүрэн тавилгатай, тохилог өрөөнүүдээс бүрддэг. Бүх өрөө дотроо 00, душ, хөргөгч, хувцасны шүүгээ, сейф, хичээлийн ширээ сандал, ном хичээлийн хэрэгслийн тавиур зэрэг бүрэн тоноглолтой. Оюутнуудын сургалтын чанар, тав тух, аюулгүй байдлыг хангах үүднээс тус кампус нь counseling room буюу зөвлөгөө өгөх өрөө, teacher’s lounge буюу багш нарын лоунж, орчин үеийн анги танхимууд, IELTS шалгалтын албан ёсны төв, номын сан, хурлын заал, сувилагчийн өрөө, усан бассейн, фитнесс болон иога төв, сагсан бөмбөгийн талбай, хөгжмийн өрөө, ресторан, кофе шоп, мини маркет, аяллын тур оператор зэрэг бүх шаардлагатай үйлчилгээг кампус дотроо бүрэн шийдсэнээрээ онцлог юм. Ийнхүү Cebu International Academy (CIA) нь олон жилийн туршлага, орчин үеийн дэд бүтэц, олон улсын стандарт бүхий сургалтын систем, ресорт маягийн тав тухтай орчноороо Сэбү хотын шилдэг англи хэлний сургуулиудын нэгт зүй ёсоор тооцогддог.
Кампус нь оюутнуудыг дээд зэргийн тав тухтай орчинд амрангаа сурах боломжийг олгосон. Хичээлийн болон оюутны байр, офис, ресторан, кофе шоп, фитнес, бассейн бүгд нэг дор.
Кампус дотроо IELTS шалгалтын төвтэй нь оюутнуудад ямар ч төвөг, садаа учруулахгүйгээр тестээ өгөх боломжийг олгодог.
Далайн эрэгт ойрхон байрлалтай тул амралтын өдрүүдээд аялах, далай явж амрах зугаалах боломжтой.
1. Сургалтын хөтөлбөр, үнэ, бүртгэлийн хураамж:
| Курс сонголт | Үнэ (4 долоо хоног) | Тайлбар | |
| ESL - Regular | $900 | өдөрт 4 цаг 1:1, 4 цаг грүпп хичээл | |
| ESL - Intensive | $1,000 | өдөрт 5 цаг 1:1, 3 цаг грүпп хичээл | |
| ESL - Power Intensive | $1,100 | өдөрт 6 цаг 1:1, 2 цаг грүпп хичээл | |
| IELTS | $1,050 | өдөрт 4 цаг 1:1, 4 цаг грүпп хичээл | |
| Business | $1,050 | өдөрт 4 цаг 1:1, 4 цаг грүпп хичээл | |
| Бүртгэлийн хураамж | $100 | нэг удаа төлнө | |
- $300 бүртгүүлэхдээ урьдчилан төлж бүртгэлээ баталгаажуулдаг,
2. Байрны сонголт, төлбөр:
| Өрөө сонголт | Үнэ (4 долоо хоног) | ||
| Premium Single өрөө | $1,700 | ||
| Standard Single өрөө | $1,500 | ||
| Twin 2 ортой өрөө | $1,100 | ||
| Tripple 3 ортой өрөө | $850 | ||
| Quad 4 ортой өрөө | $750 | ||
| SUITE Single өрөө | $2,500 | ||
| SUITE Twin өрөө | $1,400 | ||
| Pinnacle Single өрөө | $1,700 | ||
- Өдрийн 3 буфет хоол байрны үнэд орсон,
3. Local зардлууд (тус зардлыг Филиппинд очоод төлдөг)
| Зардлын нэр төрөл | Сурах хугацаа | |||||
| 1 сар | 2 сар | 3 сар | 4 сар | 5 сар | 6 сар | |
| SSP зөвшөөрөл | 8,000 | 8,000 | 8,000 | 8,000 | 8,000 | 8,000 |
| SSP E-Card | 4,500 | 4,500 | 4,500 | 4,500 | 4,500 | 4,500 |
| VISA сунгалт | - | 5,130 | 11,540 | 16,080 | 20,620 | 25,160 |
| ACR I-Card | - | - | 4,500 | 4,500 | 4,500 | 4,500 |
| Барьцаа | 2,500 | 2,500 | 2,500 | 2,500 | 2,500 | 2,500 |
| Ус | 1,000 | 2,000 | 3,000 | 4,000 | 5,000 | 6,000 |
| Цахилгаан | 2,000 | 4,000 | 6,000 | 8,000 | 10,000 | 12,000 |
| Менежментийн төлбөр | 4,000 | 8,000 | 12,000 | 16,000 | 20,000 | 24,000 |
| Сурах бичиг | 2,000 | 4,000 | 6,000 | 8,000 | 10,000 | 12,000 |
| Оюутны үнэмлэх | 200 | 200 | 200 | 200 | 200 | 200 |
| Онгоцноос тосох үйлчилгээ | 1,000 | 1,000 | 1,000 | 1,000 | 1,000 | 1,000 |
| Нийт peso | 25,200 | 39,330 | 59,240 | 72,780 | 86,340 | 99,860 |
| Нийт $ | $430 | $665 | $1000 | $1,230 | $1,460 | $1,690 |
* Песоны ханшийг 2026.01.22-ны өдрөөр тооцсон,
* Онгоцноос тосох – Ням гарагт 1000 песо, бусад өдөрт 1500 песо,
* Барьцаа 2500 песог буцахдаа эд хогшлоо хүлээлгэж өгөөд эргүүлж авна.
4. Онгоцны тийз:
Сэбү хот хүртэл тийз 2.5-4 сая төг, 2 талдаа авна, эрт авбал хямд суудал авч чаддаг, манайхаар дамжуулан туслуулаад тийзээ захиалуулж болно.
5. Аяллын даатгал:
Манай хамтын ажиллагаатай Монгол даатгал компаниар аяллын даатгалаа хийлгэвэл 1 сарын 85000₮, 2 сарын 125,000₮-ын хураамж төлнө, мөн та өөрийн үйлчлүүлдэг даатгалын компаниар даатгалаа хийлгэж болно.
ЗУНЫ ЭЛСЭЛТ:
- 6, 7, 8 сард та бүхэн сурах гэж байгаа бол 3-р сард багтааж захиалгаа өгч баталгаажуулна уу.
- Зун эрэлт ихтэй байдаг тул сургуулийн бүх өрөө 4 сар гэхэд зарагдаад дуусдаг !!!
Сургуулийн байршил
Сургуулийн танилцуулга
Сэтгэгдэл
Гүн
Шинэ улс орны соёл, газар нутаг, зан заншилтай танилцаж, уугуул иргэдээр нь ганцаарчилсэн хичээл заалгахын зэрэгцээ, өөр бусад орны хүмүүстэй нөхөрлөж англи хэлний мэдлэгээ маш сайн ахиулж чадсандаа баяртай байна. Хэлний мэдлэгээ сайжруулхад орчин үнэхээр чухал санагдсан. Амьдралынхаа мартагдашгүй нэгээхэн хэсгийг аялж, суралцаж дурсамжтай өнгрүүлээрэй.
Цэнд
Филиппин улс руу англи хэл сурахаар ганцаараа явж байхдаа жаахан айдастай байсан ч одоо амьдралын минь хамгийн жаргалтай, дурсамжтай мөчүүдийн минь нэг болон үлджээ. Солонгос, Япон, Араб, Хятад, Вьетнам улсын оюутнуудтай танилцаж, тэдний соёлоос суралцаж, хамтдаа цагийг хөгжилтэй өнгөрүүлж аялангаа англи хэлээ сураад амьдралаа дурсамжаар чимэх хамгийн сайхан байсан. Идеа Сэбү (GLC English) сургуулийн багш нар маань яг л найз шиг үргэлж тусалж дэмждэг байлаа. Сургуулийн байршил хотын төвд бүх зүйлдээ ойрхон болохоор үнэхээр амар, өдрийн 3 хоолтой, сургуулийн орчинд бүгд англиар ярина, ойлгомжгүй зүйл дээр Student staff-ууд үргэлж тусалдаг болохоор маш амар. Богино хугацаанд англи хэлээ сайжруулахыг хүссэн хүн бүр Филлипин улсын Сэбү хотыг зориосой гэж зөвлөе.
Ананд
Зуны амралтаараа 2 сар Багио хотын Api Beci International Academy-д Англи хэлний сургалтанд хамрагдаж, мөн амралтын өдрөөрөө олон гоё газраар аялж, олон улс орны шинэ найзуудтай болж зуны амралтаа сайхан өнгөрүүллээ. Тус сургуулийн сургалт маш чанартай, маш найрсаг сайхан хамт олон байсан. Би энэ сурах хугацаандаа ярих болон унших чадвараа сайжруулж чадлаа. Манай багш нар маш найрсаг, хичээнгүй, хичээлээ сайн бэлтгэж хичээнгүй заадаг байсан. Багио хот цаг агаарын хувьд таатай, аялж үзэх газар ихтэй сайхан хот байсан.
Сувана
Англи хэл сурах хүсэл маань алс холынх бөгөөд хүнд хэцүү мэт санагдаж, зориглон эхэлж чаддаггүй байлаа. Харин CIA-д ирснээс хойш 5 сарын хугацаанд 0-ээс эхэлсэн хэлний түвшин маань IELTS хүртэл өслөө баяртай байна. Зорьсон оноогоо аваад баяр, жаргалтай эх орондоо очноо😊
Kyoshiro
Анхандаа гадаад явна гэхэд бол ээж маш их сандаргаад айж байсан. Гэхдээ багш нарынхаа ачаар ямар ч юманд санаа зоволгүй, гоё яваад ирсэн. Тэнд бие өвдөхөд багш нар бүх асуудлыг зохицуулаад эм нтр өгөөд их түшигтэй байсан. Дараа боломж олдвол дахин явнаа.
Anna
Анх Филиппин явж англи хэл сурна гэж санаанд огт ордоггүй байсан. Гэхдээ яг очоод үнэхээр их зүйл сурч, олон гоё дурсамж бүтээсэн. Ямар нэгэн хэл сурахад орчинд сурах нь илүү үр дүнтэй санагдсан. Энд сурснаас хойш илүү хичээл зүтгэл гаргаад өөртөө ч зарцуулах цагаа нэмэгдүүлсэн. Илүү өөрийгөө нээж өгч илүү сурах хүсэл ихтэй болсон. Энд байх хугацаандаа олон шинэ найзуудтай болж олон2 зүйл сурч мэдсэн
ENKH
Сэбү хотын CIA бол маш гоё академи. Миний англи хэл сайжраад би одоо хичээлдээ 85%-аас дээш оноо авч байгаа. Би англи багш нартайгаа чөлөөтэй ярьдаг болсон. CIA-ын багш, менежер, тэнд ажилладаг бүх хүмүүс маш эелдэг гоё хүмүүс байдаг. Хагас сайн болгонд гоё аялалд явдаг, далайн амьтны парк, islands hopping, шарк харах аялалуул үнэхээр гоё байсан.
Тэмка
Би 7 сард 1 сарын хугацаанд CIA сургуулийн хөтөлбөрт яваад маш их зүйл сурсан. Цаг хуваарилалт, гадаад орны соёл, хүмүүстэй танилцаж зөндөө олон найзуудтай болсон. Facebook-ээр найз болоод англиар харилцдаг. Маш үр дүнтэй гоё сургалтанд дэмжиж явуулсан гэрийхэндээ, авч явсан багш нартаа маш их баярлаж байгаа.
Miyu
Анх бүр филлипинд очоод ганцаараа яаж 30 хоног байнаа гэж бодоол байж байсан чинь өрөөндөө 4үүлээ байна гээд тэгээл айр гоё найзалж нөхөрлөөд чадахгүй зүйлсээ асуугаад өрөөнөөсөө гарах болгондоо бүгдээрээ хамт олон зүйлс хийгээд л караокедоол,дэлгүүрүүдээр хэсээд л, усан бассейнд сэлээд л тэгсний дараа оройдоо хичээлээ хийгээл аялалд яваал багш нар нь хөгжилтэй гоё зан ааштай санаа зоволгүй англиар муу ярьж байсан ч ойлгоод гоё ойлголцдог бас бид нарыгаа хамт дагуулж явсан Шинээ багшдаа зөндөө баярласан шүү яг аав шиг минь бид нартаа санаа тавиад гоё хөгжилтэй зуны амралтаа өнгөрүүлсээн кк дахиж явмаар байгаа Олуулаа зуныг зугаатай өнгөрөөсөн надад гоё дурсамжуудыг бүтээж өгсөнд баярлалаа
Есүй
Аймаар гоё бас хөгжилтэй байсан, гоё орчинтой, их юм үзэж харсан. Багш ажилчид нь найрсаг гоё ааштай нөхөрсөг байсан. Англи хэлээ нилээн сайжруулж чадсан үр дүн өндөртэй байсан, тус хөтөлбөрт хамрагдсандаа баяртай байгаа, дахиж явмаар байна
Мөнхбат
Зун CIA-ын хүүхдийн амралтын хөтөлбөрт сургалтанд суугаад англи хэлний анхан шатны мэдлэгтэй болж, шинэ найз нөхөдтэй болсон. Монголд ирснээсээ хойш ApiBeci сургуулийн онлайн сургалтанд сууснаар ярианы чадвар маань сайжирч байгаа, онлайн сургалтаа цаашид үргэжлүүлэн авах төлөвлөгөөтэй байгаа.
Ц.Есүй
Би өвлийн амралтаараа англи хэлийг орчинд нь суралцахын хажуугаар аялах зорилгоор Филиппин улсыг зорьсон. Суралцаж байх хугацаандаа Монгол болон Солонгос зөндөө найзуудтай болсон. Амралтын өдөр болгон сонирхолтой аялалд явдаг байсан. Бүх багш, ажилчид нь эелдэг, хөгжилтэй, харилцахад яг л найз шиг халуун дулаан мэдрэмж төрүүлдэг. Өглөө, өдөр, оройн бүх хоол нь үнэхээр амттай. Заримдаа хичээл тарсны дараа snack өгдөг байсан. Миний хувьд өвлийн амралтын 1 сарын хугацааг үр дүнтэй өнгөрөөхийн хажуугаар олон сайхан дурсамжийг бүтээсэн гэж боддог.
Б.Энхжин
CIA-руу эхлээд явахдаа их ичиж байсан, бусад хүүхдүүдийг танихгүй, ямар улсаас ирэхийг нь, ямар хэлээр ярихыг нь, ер нь юугаа ч мэдэхгүй очсон. Эхний долоо хоног өнгөрөөд хүүхдүүдтэй найзууд болж бас багш нартайгаа ярианы хичээлд илүү нээлттэй оролцдог болж эхэлсэн. Цагаа маш гоё өнгөрүүлж олон олон найзуудтай болж өвлийн амралтаа мартахааргүй сайхан өнгөрүүлсэн.
Хонгорнаран
Нэг сарын хугацаанд үнэхээр гоё дурсамж дүүрэн байлаа. Энд үнэхээр маш хөгжилтэй гоё байж чадлаа. Одоо эндээс явмааргүй санагдаж байна. Олон найз нартай болж, хэзээ ч очиж үзээгүй гайхалтай олон газруудаар аялсан үнэхээр гоё байсан. Бүх сурагчид, staff нар нь үнэхээр найрсаг, хөгжилтэй гоё хүмүүс шүү. Хичээл заадаг багш нар нь маш мундаг, чин сэтгэлээсээ хичээлээ гоё ойлгомжтой заадаг олон мундаг багш нартай, хоол нь маш гоё амттай. Тийм л газардаа даа. Буцаад очмоор байна
Сондор
Philippined надад байх нь их хөгжилтэй байсан бас зөндөө дурсамж бүтээж чадсаан Англи хэл ч сураад олон найз нөхөд,ах эгч нартай найз болоод их гоё байсан Бас хичээл заадаг багш нар аймар хөөрхөн заадаг юм байнлээ Staff нар нь аймар гоё ааштай 1сар их хурдан өнгөрсөөн тэгээд заавал ахиж явна гэж бодож байгаа Тэгээд phillippen,найз нөхөд,ах эгч нар,багш нар гээд бүгдийг нь маш их санаж байгаа шүү
Номин
Энэ сургуульд явсан чинь аймар олон найзтай болоод англи хэл дээрээ 1 сарын хугацаанд ёстой гоё сайжирсан. Монголдоо гэхээсээ илүү өөр улсад олон орны хүүхдүүдтэй цуг суралцахаар англи хэлэндээ илүү сайжирах боломжтойг харсан. Тэгээд ер нь сургалтаасаа гадна аялалаар явах нь бас маш зугаатай байсан. Солонгос найзууд багш нараа их санаж байна.
Эрхэс
Филиппинд өнгөрүүлсэн 28 хоногийн хугацаанд маш үнэ цэнэтэй дурсамж бүтээж чадлаа. Хамгийн гол нь Англи хэлээ сайн сурахаас гадна олон шинэ зүйлс болон олон сорилт намайг хүлээж байсныг мэдсэнгүй. Багш, ажилчид гээд бүх хүмүүс маш эелдэг өөрийнхөөрөө, хичээлээ ойлгомжтой сэтгэл гаргаж заадаг нь үнэхээр сэтгэлд нийцсэн. Олон хүүхдүүдтэй танилцаж өөрийгөө дахин нээсэнд баяртай байна. Аялаж байгаа газар болгон нь үзүүштэй сайхан байсан. Аюулгүй байдал, хоол хүнс, орчин, хичээл, харилцаа гээд бүгд сэтгэлд нийцсэн. Дараа дахиад заавал явна аа.
Энгүүжин
Тэнд байсан цаг хугацаа үнэхээр дурсамжтай бас хөгжилтэй байсан. Надтай хамт миний энэ бүх дурсамжийг бүтээж өгсөн тэр хүмүүстэй би цуг дахиад хэдхэн өдрийг хамт өнгөрүүлэхийг хүсэж байна.
Түшиг
Маш гоё байсан, багш нар нь маш гоё байсан. Бас бид нарыг дагуулж хариуцаж авч явсан багшдаа маш их баярлалаа, миний хэл маш их сайжирсан, дахиж явмаар байна.
Дөлгөөнтэнгис
Өвлийн амралтаараа би Филиппин явсан. Тэнд Солонгос, Монгол хүүхдүүдтэй хамт сайхан байсан. Миний хувьд хамгийн гоё байсан зүйлийн нэг бол далайн аялалд явж олон төрлийн загаснуудыг харсан. Мөн том дэлгүүрүүдэд олон брэнд байсан. Сайхан сургалт аялалд хамтдаа байсан бүх хүмүүстээ баярлалаа.
Цолмон
Энэ өвлийн амралтын нэг сарын хугацаанд маш их зүйлс сурч, бас олон найзуудтай болсон. Биднийг хариуцаж явсан Оюунбилэг багшдаа маш их баярлалаа, бүх зүйлд миний найз, ээж шиг минь гоё ханддаг байсан шүү.
Анар
Анх Сэбүд очоод эхэндээ Монголд байгаа найзуудыгаа их санаад хурдхан л буцахыг хүсч байсан ч өдөр хоног өнгөрөх тусам буцах хүсэл улам багасаад тэндээ илүү удаан баймаар санагдсан. Олон ч найзуудтай болсон, ихийг ч үзэж харсан. Тэнд аягүй гоё байсан. Дараа дахин явахыг бодноо.
Номинжин
Анх явах тов гарахад гэрээсээ, аав ээжээсээ хол хоёр дүүгээ дагуулаад явна гэж бодоход маш том хариуцлага ирж айж байсан. Гэтэл яг Филиппинд очиход ажилчид хүүхдүүд багш нар найрсгаар хүлээн авч дасан зохицход асуудалгүй, байрлах газар цэвэрхэн тухтай,олон найзуудтай болсон. Цаг агаар сайхан, гол англи хэлний хичээлийн хувьд сургалт маш сайтай, гадаад багш нартай зөвхөн англи хэлээр харилцан ойлголцож байсан учир ярих чадвар эрс хөгжиж IELTS шалгалтаа өгөөд хүсэж байсан өндөр оноогоо авч чадсан. Яг л өөрийн хүүхдүүд шиг асарч хамгаалж, зохион байгуулалт сайтай, сэтгэл зүрхээ зориулсан монгол багш нартаа маш их баярлалаа
Буянаа
Австралид суралцах зорилгоо биелүүлэхийн тулд эхлээд APIBECI сургуульд англи хэлээ сайжруулахаар ирсэн. Филиппин дэх англи хэлний сургуулиуд нь англи хэлний чухал чадваруудыг богино хугацаанд илүү сайн эзэмшихэд тусалдаг юм шиг санагдсан. Миний бодсон ч зөв байсан бөгөөд англи хэлээ сайжруулахад минь тусалсан APIBECI сургуулийн багш нарт, мөн тус сургуулийг санал болгож холбож өгсөн study89-ын хамт олонд талархаж байна.