GLC SUMMER CAMP 2025
Global Language Cebu (GLC) нь Филиппин улсын аялал жуулчлалын нийслэл болох Сэбү хотод байрладаг, сургалтын чанараараа Филиппиний топ сургуулиудын нэг. Солонгос, Тайвань зэрэг олон орны сурагчидтай хамт сурч шинэ найз нөхөдтэй болж, олон шинэ газраар аялж өвлийн амралтаа дурсамж, үр бүтээл дүүрэн өнгөрүүлэх боломжийг таны хүүхдэд олгож байна.
Манай агент нь 2016 оноос хойш Филиппин улсын топ шилдэг сургуулиудтай хамтын ажиллагаатай ажиллаж ирсэн төдийгүй давхардсан тоогоор 7-17 насны 800 гаруй хүүхдүүдийн зуны болон өвлийн кэмп хөтөлбөрт амжилттай хамруулаад байна.
2025 оны зуны сургалтын үеэр Вьетнам, Солонгос, Саудын Араб, Тайвань, Япон улсын хүүхдүүд тус сургуульд ирж суралцана.
Зуны кэмп хөтөлбөрийн онцлог:
- Ярианд суурилсан эрчимжүүлсэн ерөнхий англи хэлний хичээл: ганцаарчилсан 5 цаг, групп хичээл 3 цаг, оройн анги 3 цаг
- IELTS – Академик IELTS-н чадваруудыг хөгжүүлэхээс гадна дүрэм, үгсийн сангийн хичээл: ганцаарчилсан 5 цаг, групп хичээл 3 цаг, оройн анги 1 цаг (Оройн анги: Шинэ үгийн шалгалт, хэлэлцүүлэг, гэрийн даалгавар, эссэ бичлэг)
- 3 ортой тохилог дотуур байранд байрлана, өдрийн 3 удаагийн буффет хоолтой.
- Гар утасны хэрэглээг хязгаарлаж, өдөрт 1 цаг хүүхдүүдтэйгээ холбогдох боломжтой.
- Амралтын өдрийн аялалын арга хэмжээтэй.
- Тухайн сургууль нь Япон менежменттэй, 24 цагийн харуул хамгаалалттай сургууль юм.
- Монгол хүүхдүүдээс гадна Солонгос, Араб, Тайвань, Орос, Япон, Вьетнам зэрэг 7 орны хүүхдүүд зэрэг суралцана.
Байршил: Сэбү хот, Global Language Cebu (GLC) сургууль
Хугацаа: 2025/06/22 - 2025/07/19 (4 долоо хоног буюу 1 сар)
Нас: 10-15 нас
Зөвхөн 20 хүүхэдтэй 1 ээлж явна
Хөтөлбөрийн үнэ, зардал:
- ESL – Ерөнхий англи хэл: 4 долоо хоног 2650$, (3 ортой өрөө, өдрийн 3 хоол, амралтын өдрийн аялал арга хэмжээ)
- IELTS сургалт: 4 долоо хоног 2900$, (3 ортой өрөө, өдрийн 3 хоол, амралтын өдрийн аялал арга хэмжээ)
- Онгоцны тийз ~ 3.0 - 4.0 сая төг, нэгдсэн журмаар эрт захиална,
- Аялалын даатгал ~ 85к төгрөг, нэгдсэн журмаар хийлгэнэ,
- WEG хураамж, 15 нас хүрээгүй хүүхдийн -70$. Филиппины хил дээр тушаана.
БҮРТГЭЛИЙН ХУГАЦАА, ЖУРАМ:
· 2025 оны 05 сарын 30 /Суудал дүүрвэл эрт хаагдана/
· Цаг хугацаа хэмнэн бүртгэлийг чат, имэйл ашиглан онлайнаар хийх боломжтой. Мөн утсаар урьдчилан цаг товлож уулзаж бүртгэл гэрээг хийж болно.
· Явах хүүхдийн гадаад паспортын зураг, эцэг эхийн утасны дугаар, имэйл хаягийн мэдээллээ өгч бүртгүүлнэ.
· Гэрээ хийж бүртгэлийн хураамж 100$-ыг төлснөөр таны бүртгэл баталгаажна.
· Явах хүүхдүүд аль болох эрт тийзээ бичүүлнэ, нэгдсэн байдлаар зохион байгуулна.
GLC сургуулийн танилцуулгыг энд дарж үзнэ үү.
Сэтгэгдэл
Anna
Анх Филиппин явж англи хэл сурна гэж санаанд огт ордоггүй байсан. Гэхдээ яг очоод үнэхээр их зүйл сурч, олон гоё дурсамж бүтээсэн. Ямар нэгэн хэл сурахад орчинд сурах нь илүү үр дүнтэй санагдсан. Энд сурснаас хойш илүү хичээл зүтгэл гаргаад өөртөө ч зарцуулах цагаа нэмэгдүүлсэн. Илүү өөрийгөө нээж өгч илүү сурах хүсэл ихтэй болсон. Энд байх хугацаандаа олон шинэ найзуудтай болж олон2 зүйл сурч мэдсэн
ENKH
Сэбү хотын CIA бол маш гоё академи. Миний англи хэл сайжраад би одоо хичээлдээ 85%-аас дээш оноо авч байгаа. Би англи багш нартайгаа чөлөөтэй ярьдаг болсон. CIA-ын багш, менежер, тэнд ажилладаг бүх хүмүүс маш эелдэг гоё хүмүүс байдаг. Хагас сайн болгонд гоё аялалд явдаг, далайн амьтны парк, islands hopping, шарк харах аялалуул үнэхээр гоё байсан.
Тэмка
Би 7 сард 1 сарын хугацаанд CIA сургуулийн хөтөлбөрт яваад маш их зүйл сурсан. Цаг хуваарилалт, гадаад орны соёл, хүмүүстэй танилцаж зөндөө олон найзуудтай болсон. Facebook-ээр найз болоод англиар харилцдаг. Маш үр дүнтэй гоё сургалтанд дэмжиж явуулсан гэрийхэндээ, авч явсан багш нартаа маш их баярлаж байгаа.
Miyu
Анх бүр филлипинд очоод ганцаараа яаж 30 хоног байнаа гэж бодоол байж байсан чинь өрөөндөө 4үүлээ байна гээд тэгээл айр гоё найзалж нөхөрлөөд чадахгүй зүйлсээ асуугаад өрөөнөөсөө гарах болгондоо бүгдээрээ хамт олон зүйлс хийгээд л караокедоол,дэлгүүрүүдээр хэсээд л, усан бассейнд сэлээд л тэгсний дараа оройдоо хичээлээ хийгээл аялалд яваал багш нар нь хөгжилтэй гоё зан ааштай санаа зоволгүй англиар муу ярьж байсан ч ойлгоод гоё ойлголцдог бас бид нарыгаа хамт дагуулж явсан Шинээ багшдаа зөндөө баярласан шүү яг аав шиг минь бид нартаа санаа тавиад гоё хөгжилтэй зуны амралтаа өнгөрүүлсээн кк дахиж явмаар байгаа Олуулаа зуныг зугаатай өнгөрөөсөн надад гоё дурсамжуудыг бүтээж өгсөнд баярлалаа
Есүй
Аймаар гоё бас хөгжилтэй байсан, гоё орчинтой, их юм үзэж харсан. Багш ажилчид нь найрсаг гоё ааштай нөхөрсөг байсан. Англи хэлээ нилээн сайжруулж чадсан үр дүн өндөртэй байсан, тус хөтөлбөрт хамрагдсандаа баяртай байгаа, дахиж явмаар байна
Мөнхбат
Зун CIA-ын хүүхдийн амралтын хөтөлбөрт сургалтанд суугаад англи хэлний анхан шатны мэдлэгтэй болж, шинэ найз нөхөдтэй болсон. Монголд ирснээсээ хойш ApiBeci сургуулийн онлайн сургалтанд сууснаар ярианы чадвар маань сайжирч байгаа, онлайн сургалтаа цаашид үргэжлүүлэн авах төлөвлөгөөтэй байгаа.
Ц.Есүй
Би өвлийн амралтаараа англи хэлийг орчинд нь суралцахын хажуугаар аялах зорилгоор Филиппин улсыг зорьсон. Суралцаж байх хугацаандаа Монгол болон Солонгос зөндөө найзуудтай болсон. Амралтын өдөр болгон сонирхолтой аялалд явдаг байсан. Бүх багш, ажилчид нь эелдэг, хөгжилтэй, харилцахад яг л найз шиг халуун дулаан мэдрэмж төрүүлдэг. Өглөө, өдөр, оройн бүх хоол нь үнэхээр амттай. Заримдаа хичээл тарсны дараа snack өгдөг байсан. Миний хувьд өвлийн амралтын 1 сарын хугацааг үр дүнтэй өнгөрөөхийн хажуугаар олон сайхан дурсамжийг бүтээсэн гэж боддог.
Б.Энхжин
CIA-руу эхлээд явахдаа их ичиж байсан, бусад хүүхдүүдийг танихгүй, ямар улсаас ирэхийг нь, ямар хэлээр ярихыг нь, ер нь юугаа ч мэдэхгүй очсон. Эхний долоо хоног өнгөрөөд хүүхдүүдтэй найзууд болж бас багш нартайгаа ярианы хичээлд илүү нээлттэй оролцдог болж эхэлсэн. Цагаа маш гоё өнгөрүүлж олон олон найзуудтай болж өвлийн амралтаа мартахааргүй сайхан өнгөрүүлсэн.
Хонгорнаран
Нэг сарын хугацаанд үнэхээр гоё дурсамж дүүрэн байлаа. Энд үнэхээр маш хөгжилтэй гоё байж чадлаа. Одоо эндээс явмааргүй санагдаж байна. Олон найз нартай болж, хэзээ ч очиж үзээгүй гайхалтай олон газруудаар аялсан үнэхээр гоё байсан. Бүх сурагчид, staff нар нь үнэхээр найрсаг, хөгжилтэй гоё хүмүүс шүү. Хичээл заадаг багш нар нь маш мундаг, чин сэтгэлээсээ хичээлээ гоё ойлгомжтой заадаг олон мундаг багш нартай, хоол нь маш гоё амттай. Тийм л газардаа даа. Буцаад очмоор байна
Сондор
Philippined надад байх нь их хөгжилтэй байсан бас зөндөө дурсамж бүтээж чадсаан Англи хэл ч сураад олон найз нөхөд,ах эгч нартай найз болоод их гоё байсан Бас хичээл заадаг багш нар аймар хөөрхөн заадаг юм байнлээ Staff нар нь аймар гоё ааштай 1сар их хурдан өнгөрсөөн тэгээд заавал ахиж явна гэж бодож байгаа Тэгээд phillippen,найз нөхөд,ах эгч нар,багш нар гээд бүгдийг нь маш их санаж байгаа шүү
Номин
Энэ сургуульд явсан чинь аймар олон найзтай болоод англи хэл дээрээ 1 сарын хугацаанд ёстой гоё сайжирсан. Монголдоо гэхээсээ илүү өөр улсад олон орны хүүхдүүдтэй цуг суралцахаар англи хэлэндээ илүү сайжирах боломжтойг харсан. Тэгээд ер нь сургалтаасаа гадна аялалаар явах нь бас маш зугаатай байсан. Солонгос найзууд багш нараа их санаж байна.
Эрхэс
Филиппинд өнгөрүүлсэн 28 хоногийн хугацаанд маш үнэ цэнэтэй дурсамж бүтээж чадлаа. Хамгийн гол нь Англи хэлээ сайн сурахаас гадна олон шинэ зүйлс болон олон сорилт намайг хүлээж байсныг мэдсэнгүй. Багш, ажилчид гээд бүх хүмүүс маш эелдэг өөрийнхөөрөө, хичээлээ ойлгомжтой сэтгэл гаргаж заадаг нь үнэхээр сэтгэлд нийцсэн. Олон хүүхдүүдтэй танилцаж өөрийгөө дахин нээсэнд баяртай байна. Аялаж байгаа газар болгон нь үзүүштэй сайхан байсан. Аюулгүй байдал, хоол хүнс, орчин, хичээл, харилцаа гээд бүгд сэтгэлд нийцсэн. Дараа дахиад заавал явна аа.
Энгүүжин
Тэнд байсан цаг хугацаа үнэхээр дурсамжтай бас хөгжилтэй байсан. Надтай хамт миний энэ бүх дурсамжийг бүтээж өгсөн тэр хүмүүстэй би цуг дахиад хэдхэн өдрийг хамт өнгөрүүлэхийг хүсэж байна.
Түшиг
Маш гоё байсан, багш нар нь маш гоё байсан. Бас бид нарыг дагуулж хариуцаж авч явсан багшдаа маш их баярлалаа, миний хэл маш их сайжирсан, дахиж явмаар байна.
Дөлгөөнтэнгис
Өвлийн амралтаараа би Филиппин явсан. Тэнд Солонгос, Монгол хүүхдүүдтэй хамт сайхан байсан. Миний хувьд хамгийн гоё байсан зүйлийн нэг бол далайн аялалд явж олон төрлийн загаснуудыг харсан. Мөн том дэлгүүрүүдэд олон брэнд байсан. Сайхан сургалт аялалд хамтдаа байсан бүх хүмүүстээ баярлалаа.
Цолмон
Энэ өвлийн амралтын нэг сарын хугацаанд маш их зүйлс сурч, бас олон найзуудтай болсон. Биднийг хариуцаж явсан Оюунбилэг багшдаа маш их баярлалаа, бүх зүйлд миний найз, ээж шиг минь гоё ханддаг байсан шүү.
Анар
Анх Сэбүд очоод эхэндээ Монголд байгаа найзуудыгаа их санаад хурдхан л буцахыг хүсч байсан ч өдөр хоног өнгөрөх тусам буцах хүсэл улам багасаад тэндээ илүү удаан баймаар санагдсан. Олон ч найзуудтай болсон, ихийг ч үзэж харсан. Тэнд аягүй гоё байсан. Дараа дахин явахыг бодноо.
Номинжин
Анх явах тов гарахад гэрээсээ, аав ээжээсээ хол хоёр дүүгээ дагуулаад явна гэж бодоход маш том хариуцлага ирж айж байсан. Гэтэл яг Филиппинд очиход ажилчид хүүхдүүд багш нар найрсгаар хүлээн авч дасан зохицход асуудалгүй, байрлах газар цэвэрхэн тухтай,олон найзуудтай болсон. Цаг агаар сайхан, гол англи хэлний хичээлийн хувьд сургалт маш сайтай, гадаад багш нартай зөвхөн англи хэлээр харилцан ойлголцож байсан учир ярих чадвар эрс хөгжиж IELTS шалгалтаа өгөөд хүсэж байсан өндөр оноогоо авч чадсан. Яг л өөрийн хүүхдүүд шиг асарч хамгаалж, зохион байгуулалт сайтай, сэтгэл зүрхээ зориулсан монгол багш нартаа маш их баярлалаа
Kyoshiro
Анхандаа гадаад явна гэхэд бол ээж маш их сандаргаад айж байсан. Гэхдээ багш нарынхаа ачаар ямар ч юманд санаа зоволгүй, гоё яваад ирсэн. Тэнд бие өвдөхөд багш нар бүх асуудлыг зохицуулаад эм нтр өгөөд их түшигтэй байсан. Дараа боломж олдвол дахин явнаа.